A. ТАНИЛЦУУЛГА

Энэ бодлогоор гал тогооны индукцийн халаагуурын маш сонирхолтой физик үзэгдэлтэй танилцана. Ийм төхөөрөмжийн үндсэн хэсэг нь ороомог бөгөөд хувьсах гүйдлээр үүсэх индукцийн гүйдлээр дээрээ тавьсан металл савыг халаадаг. Ийм орчин үеийн халаагуур нь аюулгүй орчин (гал болон шатамхай хий байхгүй), илүү цэвэр сав суулга (хөө тортог байхгүй), илүү хурдан халаах, байгаль орчинд ээлтэй (сэргээгдэх эрчим хүчээр ажиллах боломжтой) зэрэг олон давуу талтай. Энэ туршилтаар бид индукцийн халаагуурын суурь физикийг судлах болно.

Туршилт нь гурван хэсэгтэй. Эхлээд бид ороомгийн индукцлэл ($L$) ба ороомгийн идэвхтэй эсэргүүцэл ($R_L$) -г хэмжинэ. Хоёрдугаарт, бид индукцийн халаагуурт чухал ач холбогдолтой металлын гадаргаар гүйх гүйдлийн нимгэн үеийн зузаан буюу скин гүнийг тодорхойлно. Гуравдугаарт, бид янз бүрийн металл ялтсын хувийн дулааны багтаамж ($c$) ба тэдгээрийн ачааллын эффектив эсэргүүцлийг ($R_{\mathrm{LOAD}}$) тодорхойлно.

B. ТУРШИЛТЫН ИЖ БҮРДЭЛ

1. Функцийн генератор (FG) (ажлын давтамж: 20 Гц-ээс 100 кГц).
2. “Zoyi”дижитал осциллограф + BNC кабель шуб (1 ширхэг) .
3. Хуванцар суурь дээр тогтоосон ижилхэн ороомог (2 ширхэг) .
4. Секундомер (1 ширхэг)
5. Hоёр хос банана-банана кабель (4 ширхэг).
6. Банана-зүүний үүрт холбох хоёр хос кабель (4 ширхэг) .
7. Шар металл эсэргүүцэл $"R_1" (1\, \Omega, 100 \, \mathrm{Watt})$, хар хайрцаг дээр суурилуулсан (1 ширхэг ).
8. Дөрвөн банана үүртэй хар хайрцаг (1 ширхэг ) .
9. Конденсатор $470 \, \mathrm{nF}$: (бор), $470 \, \mu\mathrm{F}, 1000 \, \mu\mathrm{F}, 2200 \, \mu\mathrm{F} $ : (хар хөх цилиндрүүд) ( $1\,\textrm{pc} $ тус бүр )
10. M3- 6 талт тусгай (L) түлхүүр (1 ширхэг) .
11. NTC (сөрөг температурын коэффициенттой) термистортой хөнгөнцагаан хавтан, хэмжээ = 2 см × 2 см, зузаан = 0.73 мм (1 ширхэг ). Гадаргын харагдах байдал: мөнгөлөг /мөнгөлөг.
12. Зэвэрдэггүй ган SS410 "хавтан" нь NTC термистор бэхэлсэн, хэмжээ = 2 см × 2 см, зузаан = 0.76 мм (1 ширхэг ). Гадаргын харагдах байдал: толин тусгал/ толь.
13. Хөнгөнцагаан хавтан, хэмжээ $\operatorname{size} = 2.7 \, \mathrm{cm} \times 4.6 \, \mathrm{cm}$, $\operatorname{thickness} = 0.73 \, \mathrm{mm}$, харьцангуй соронзон нэвтрүүлэх чадвар $\mu_r =1$, (5 ширхэг). Гадаргын харагдах байдал: мөнгөлөг/ мөнгөлөг.
14. Зэс хавтан, хэмжээ $\operatorname{size} = 2.7 \, \mathrm{cm} \times 4.6 \, \mathrm{cm}$, зузаан $\operatorname{thickness} = 0.71 \, \mathrm{mm}$, харьцангуй соронзон нэвтрүүлэх чадвар $\mu_r =1$ $(5 \, \mathrm{pcs})$. Гадаргын харагдах байдал: улбар/улбар
15. Зэвэрдэггүй ган “SS304” хавтан, $\operatorname{size} = 2.7 \, \mathrm{cm} \times 4.6 \, \mathrm{cm}$, $\operatorname{thickness} = 0.72 \, \mathrm{mm}$, харьцангуй соронзон нэвтрүүлэх чадвар $\mu_r =1$ $(4 \, \mathrm{pcs})$. Гадаргын харагдах байдал: толин / бүрсгэр.
16. Зэвэрдэггүй ган $\operatorname{size} = 2.7 \, \mathrm{cm} \times 4.6 \, \mathrm{cm}$, $\operatorname{thickness} = 0.76 \, \mathrm{mm}$, харьцангуй соронзон нэвтрүүлэх чадвар $\mu_r =700$ $(4 \, \mathrm{pcs})$. Гадаргын харагдах байдал: толин / толин.
17. Дижитал гар осциллографын цэнэглэгч ба USB-C кабель (1 ширхэг).

Параметр ба тогтмолууд

Санамж:

1. D хэсгийг уншина уу: "Төхөөрөмжийн ажиллах заавар".
2. Бүх туршилтуудын цуваа RLC хэлхээнд конденсатор $C$ - г заавал ашиглана. Яагаад гэвэл хэрэв конденсатор ашиглахгүй бол (өөрөөр хэлбэл зөвхөн RL хэлхээг ашиглавал ороомог хэт их халах болно.
3. Бүх туршилтад алдаа тооцох шаардлагагүй.
4. Бүх туршилтын хувьд функцийн генераторын "Waveform" сонголтыг "Sine" функц болгон тохируулна уу.
5. Ороомгоор гүйх гүйдлийн дээд хязгаар нь $2\, \textrm{A-peak}$ байна.
6. Дижитал осциллограф ашиглахдаа "осциллограф" горим сонгож хүчдэл, давтамжийн тоон заалтыг шууд ашиглана. Долгионы хэлбэрийг ажиглана. "Мултиметр" горимд шилжүүлж эсэргүүцэл хэмжинэ.
7. Осциллографын BNC кабелийг (№2) бананын арын банана залгаснаар янз бүрийн төхөөрөмжүүдтэй хялбар холбохын тулд"банана" (№5) - ийн үзүүрт холбож болно.

C. Туршилт

C.1 Туршилт#1: Индукцийн ороомгийн шинж чанар (4.5 pt)

Индукцийн халаагуурын гол хэсэг нь ороомог. Энэ туршилтад зураг 3b-д үзүүлсэн ороомог#1 (дээд тал) - ийн өөрийн индукцлэл ($L$) - ийг хэмжинэ. Энэ ороомог (coil#1) нь дотроо $L$ индукцлэлтэй ороомог түүнтэй цуваа холбогдсон $R_L$ идэвхтэй эсэргүүцэл бүхий хэсгүүдээс тогтсон гэж үзнэ.

Бид энэ даалгаварт шар металл эсэргүүцэл $R_1$, ороомог#1 ба конденсатор бүхий цуваа холбогдсон RLC хэлхээг ашиглах болно. Энд 4 өөр багтаамжтай конденсатор байгаа. Давтамжийг өөрчлөх замаар функцийн генераторын гаралтын хүчдэл болон эсэргүүцэл дээрх хүчдэлийг тус тус тэмдэглэж авна.

1.1 Энэ хэсгийн бүх даалгаварт тохирох хэлхээг зурж холбогдох тэмдэглэгээг хий. Хэлхээний нийт эсэргүүцэл ($R_{\mathrm{TOT}}$) ба үүнд бүх холбогч утасны эсэргүүцэл ($R_C$) - ийг тооцохгүй орхиж болохгүй. Ийм учраас ($R_C$) - эсэргүүцлийг Омметрээр хэмжиж ол.

A S

1.2

$C=470 \, \mathrm{nF}$ ба $2200 \, \mu\mathrm{F}$ багтаамжтай хоёр өөр конденсатор бүхий RLC хэлхээний резонансын давтамжийг тодорхойлно уу. Туршилтын өгөгдлөө хүснэгтэд бичнэ үү. Резонансын муруйг байгуулж, $L$ - ийн утгыг ол.

A S

1.3

Бид энэ хэсэгт ороомгийн идэвхтэй эсэргүүцэл $R_L$ - ийг тодорхойлно. Нэг конденсаторын резонансын өгөгдөл нь $L$ - г үнэн зөв нарийвчлалтай тодорхойлоход хангалтгүй. Тиймээс туршилтад хэрэглэж буй цуваа RLC хэлхээнээс $L$ ба $R_L$- ийг хоёуланг нь олох боломжтой шугамчилсан тэгшитгэл бүхий аргачлал зохио.

S

1.4

Конденсаторуудаа $C=470 \, \mu\mathrm{F}$ ба $1000 \, \mu\mathrm{F}$ конденсатруудаар сольж өмнө нь хийсэн хэмжилтүүдээ давтаж хий. Хэмжилтийн өгөгдлөө хүснэгтэд тэмдэглэ. Одоо өөрийн гаргасан шинэ аргачлалаа ашиглан бүх 4 RLC хэлхээний хэмжилтэнд боловсруулалт хийж тохирох графикуудыг байгуул. Графикийнхаа давтамжийн мужийг тохиромжтойгоор сонгож авахад анхаар.

S

1.5

Дөрвөн конденсатор тус бүрт хийсэн туршилтын үр дүнгээс $R_L$ ба $L$ - ийг тодорхойл. Тэдгээрийн дундаж утгыг тооцоол.

A

C.2 Туршилт#2: Харилцан индукцлэл ба скин гүн (8.1 pt)

ТАЙЛБАР:

1. Энэхүү туршилт#2-д цуваа RLC хэлхээнд $C=1000\,\mu\textrm{F}$ багтаамж бүхий конденсатор ашиглан ороомогтой цуваа холбоно.
2. Хэрэв хүчдэлийн дохио нь осциллоскопоор ажиглахад хэт бага байвал: (1) MENU > F4 товчлуурыг дарж "PROBE"-г 1x болон 10x хооронд сэлгэн, дохиог 10 дахин өсгөж болно. (2) "HOLD/SAVE" товч дарснаар дэлгэцийг зогсоож болно.
3. Дижитал осциллоскопыг ашиглан "VMAX" заалтыг унших үед хэрэв "шуугиан" үүсэх, "огцом" шилжилт ажиглагдвал хэмжилт алдаатай болох талтай байдаг. Энэ үед долгион хэлбэрийн муруйн далайцыг шууд хэмжвэл илүү дээр.

A. Харилцан индукцлэл

Энэ туршилт #2 -д Зураг 4 -д үзүүлсэн хоёр ороомгийг ямар нэгэн металл хавтангүйгээр ашиглах болно. Эхлээд, бид хоёр ороомгийн харилцан индукцлэл $M$ -ийг хэмжинэ. Фарадейн хууль ёсоор, ороомог#1 дахь гүйдлийн өөрчлөлт ороомог#2-т индукцийн хүчдэл үүсгэдэг.

2.1 Хоёр ороомгийн хоорондын харилцан индукцлэлийг тодорхойлох туршилтын хэлхээг зур.

S

2.2

Ороомгуудын үүргийг солих замаар харилцан индукцлэл $M$-ийг хоёр удаа хэмжиж олоорой. Хоёр тохиолдолд хоёуланд нь хэмжилт хийж, хэмжилтийн утгуудаа тэмдэглэн, тохиромжит графикийг байгуул.

S

2.3 Тохиолдол бүрийн хувьд харилцан индукцлэл $M$-ийн утгыг тодорхойл.

A S

B. Гадаргын зузаан судлах туршилт

Индукцийн халаагуурын хувьд "скин гүн" гэсэн ойлголт чухал үүрэг гүйцэтгэдэг. Хувьсах (AC) гүйдлээр өдөөгдсөн цахилгаан соронзон орон металын дотогшоо нэвтрэх гүнийг "скин гүн" гэх ойлголтоор тодорхойлдог. Энэ туршилтаар бид савны ёроол болгон ашиглаж болохуйц төрөл бүрийн металлын “скин гүн”-ийг судлах болно. “Скин гүн” давтамжаас хэрхэн хамаарахыг судлах ба цаашлаад тухайн металлын цахилгаан дамжуулах чанарыг ($\sigma$) хэмжинэ.

Ороомог#1-ийг анхдагч ороомог, ороомог#2-ыг хоёрдогч ороомог болгон сонгож авна. Металлын нийт зузаан ($\sim 3 \, \mathrm{mm}$) нь ороомог хоорондын ($15 \, \mathrm{mm}$) зайтай харьцуулахад бага тул хоёрдогч ороомог орчим, доод хэсэгт соронзон орон нь ойролцоогоор тогтмол (хэрэв металл байгаагүй бол) байна гэж үзэж болно.

Максвеллийн тэгшитгэл ёсоор, хэлбэлзэж буй цахилгаан эсвэл соронзон орон аливаа дамжуулагч руу нэвтрэхдээ, нэвтрэх $z$ гүнээс хамаарч экспоненциалаар сулардаг:

$$B(z)= B_0\: e^{-z/\delta}\:\cos (\omega t - z/\delta + \phi)$$

үүний $B_0$ нь дамжуулагч руу нэвтрэхийн өмнөх соронзон орны далайц, $\delta$ нь “скин гүн” ба $\phi$ нь фаз. Санамж: бид $(-z/\delta+\phi)$ гишүүнийг энэхүү туршилтад тооцохгүй орхино.

Дамжуулагчийн "скин гүн" нь дараах байдлаар өгөгдөнө:

$$\delta = \sqrt{\frac{\sigma^m f^n}{\pi \mu}}$$

үүний $\sigma$ нь хувийн цахилгаан дамжуулах чадвар, $f$ нь давтамж, $\mu = \mu_r \times \mu_0$ нь соронзон нэвтрүүлэх чадвар, $m$ ба $n$ нь бүхэл тоон зэрэг бөгөөд үүнийг энэ туршилтаар тодорхойлно.

Бид энэхүү туршилтад дөрвөн өөр төрлийн металл ашиглан хэмжилт хийнэ: (1) Хөнгөнцагаан, (2) Зэс, (3) “SS304” ган, мөн (4) “SS410” ган. Ороомгуудын хооронд металл хавтангуудыг нэг нэгээр нь хийснээр, уг металлууд дотор үүсэх хуйларсан едди гүйдлийн улмаас хоёрдогч ороомгийн өмнө "хаалт" бий болж түүнд үүсэх хүчдэл багасна.

Санамж: Эхлээд, хоёрдогч ороомгийн хүчдэлд мэдэгдэхүйц өөрчлөлт үзүүлж буй давтамжийн тохиромжтой завсар мужийг илрүүлээрэй.

2.4

Металл бүрийн хувьд (бүхэл орноор тоймлосон) $n$-ийн утгыг туршилтаар хэмжиж олох цогц аргачлалыг, тэгшитгэлүүдийнх нь хамт боловсруул. Эхний шатанд хэмжсэн утгууд дээрээ регрессийн шинжилгээ хийснээр, дараагийн шатанд $n$ ба $\sigma$-ийн утгыг тодорхойлох боломжтой график байгуулахад шаардагдах, хэрэгцээт өгөгдлийг гарган авч болно (энэ графикийг Дасгал Q2.6-д дахин ашиглана).

Скин гүний хэтийдсэн утгаасаа болж зохимжит хэмжилт хийгдээгүй нэг металлыг онцолж ол, ингэснээр дасгал Q2.5 and Q2.6-д тооцохгүй орхиж болно.

A S

2.5 Өмнөх үр дүнгээ нэгтгэн, хэмжээсийн шинжилгээ хийн, хувийн дамжууллын илтгэгч $m$-ийг бодож ол.

A S

2.6 Дасгал Q2.4-д сайн хэмжигдсэн гурван металлын $\sigma$-г тодорхойл.

A S

C.3 Туршилт №3: Хувийн дулаан багтаамж ба ачааллын эффектив эсэргүүцэл (7.4 pt)

ТАЙЛБАР:

1. Энэ туршилт №3-д RLC хэлхээнд $C=1000\,\mu\textrm{F}$ -г ороомогтой цуваа холбож ашиглана уу.
2. АНХААРУУЛГА: Хэт халалтаас сэргийлэхийн тулд ороомгийн хамгийн их гүйдлийг ойролцоогоор 2 А peak- хязгаарлана уу.
3. "Индукцийн халаагуур"-ыг ажиллуулахын тулд ойролцоогоор $f=40\,\textrm{kHz}$ давтамжийг ашиглана уу.

Энэ туршилтад бид хөнгөнцагаан ба SS304 металл хавтанг "халаагуурын сав" болгон ашиглах болно. Эхлээд та Хөнгөн цагаан "хавтанг" (зүйл №11) суурилуулж, дээд тавцан дээр хавчуулж, дараа нь 5-р зурагт үзүүлсэн шиг эргүүлж тавиарай. Та "хавтан" -гаас сайн тусгаарлагдсан 2-р ороомог ашигласнаар тэдгээрийн хооронд контактын дулаан дамжуулалт байхгүй болно.

Конвекцын алдагдлыг үл тооцохгүйн тулд уг төхөөрөмжөө хар хайрцагт (зүйл №8) байрлуул. Металл "хавтан" нь хуванцар тавцан (дулаан тусгаарлагч) дээр суудаг тул бид дамжуулалтаас үүсэх дулааны алдагдалгүй гэж үзэж болно. Иймд хүрээлэн буй орчинтой дулааны цацаргалтаар дулаан авч өгч солилцоно. Дулааны цацаргалтын чадал нь биеийн температур $T$ -ээс дараах байдлаар хамаарна:

$$P_{RAD}=e A \sigma_S T^4$$

Энд $e$ нь цацаргах чадварын коэффицент, $\sigma_S$ нь Стефан-Больцманы тогтмол ба A нь цацаргалт хийх гадаргын талбай.

Бид NTC термисторын (хавсралт) эсэргүүцлийг хэмжих замаар металл "хавтан" -ы температурыг хэмжиж болно.

$$R_{NTC}=R_0\:\exp{[B(1/T-1/T_0)]}$$

Энд $R_0 = 10 \, \mathrm{k}\Omega$ бөгөөд энэ нь $T_0 = 25 \, ^{\circ}\mathrm{C}$ температурт харгалзана, тогтмол $B = 3950 \, \mathrm{K}$ тогтмол ба $T$ нь термисторын температур (K-ээр).

3.1 Индукцийн халаагуур хэрхэн ажилладгийг диаграммаар зурна уу. Бүх физик хэмжигдэхүүнүүдийг тэмдэглээрэй.

S

3.2 Металл хавтангийн хувийн дулаан багтаамж ( c ) тодорхойлох тэгшитгэл бүхий физик загварыг боловсруулна уу.

S

3.3 Хөнгөнцагаан хавтангийн хувийн дулаан багтаамжийг тодорхойлох туршилт хийж, тохирох графикуудыг зурна уу. Хавтанг халаахын тулд №2 ороомог ашиглаарай.

A S

3.4 SS410 "хавтан"-гийн хувьд Q3.3-ыг давтана уу.

A S

Эцэст нь бид металл "хавтан" халаалт нь зурагт 6 -д үзүүлсэн шиг ачааллын эсэргүүцэл" $R_{\mathrm{LOAD}}$-г схемд оруулж загварчилж болно. Өөрөөр хэлбэл, ороомог металл системийн загварчлалд ороомгийн индукцлэл $L$ , ороомгийн эсэргүүцэл $R_L$ ба “ачааллын эсэргүүцэл” $R_{\mathrm{LOAD}}$ байх болно.

3.5 Загвар боловсруулж, AL хөнгөнцагаан"хавтан"-гийн $R_{\mathrm{LOAD}}$-ийг тодорхойлох туршилтыг хийнэ үү. Тохирох графикийг зурна уу. Зөвлөмж: Ороомогт тогтворжсон хүчдэл өгч, дулааныг жигд тараахын тулд ойролцоогоор 30 секунд хүлээгээд хэмжилт хийгээрэй.

A S

3.6 SS410 "хавтан"-гийн хувьд Q3.5-ыг давтана уу.

A S

3.7 Аль хавтан нь халаагуурт сайн ажилладаг вэ? Аль нэгийг нь сонгоно уу: (a) Хөнгөнцагаан эсвэл (b) SS410 ган.

A S

3.8 Физик параметрүүдээс аль нь индукцийн халаалтад хамгийн их үүрэг гүйцэтгэж байна вэ? Аль нэгийг нь сонгоно уу: (a) Цахилгаан дамжуулах чадвар, (b) Соронзон нэвтрүүлэх чадвар, (c), массын нягт, (d) Хувийн дулаан багтаамж эсвэл (e) Дулаан дамжуулалт.

A S

3.9 Индукцийн халаагуурын АҮК ($\eta$)–г хавтанд ялгарах чадлыг ороомогт өгөх бүх чадалд харьцуулсан харьцаагаар тодорхойлно. Хоёр хавтан тус бүрд АҮК -ийг тооцоол.

A S

ТӨХӨӨРӨМЖИЙН АЖИЛЛАХ ЗААВАР

D.1. Функцийн генератор

Нүүрний хэсэг:

1. Төхөөрөмж асаж унтарч буйг харуулах гэрэл
2. Далайцын бариул: гаралтын дохионы далайцыг тохируулах
3. Давтамжийн муж : давтамжийн мужийг сонгох
4. Тойм ба нарийн тохируулга: давтамжийг тохируулах
5. Долгионы хэлбэр сонгох: "синус", "гурвалжин" эсвэл "дөрвөлжин" долгионы хэлбэрийг сонгох. Энэ туршилтад: зөвхөн "синус" функцийг сонго.
6. Өсгөлтийн өмнөх BNC гаралт: энд ашиглахгүй. Энэ нь өсгөлтийн өмнөх анхны дохиог хянахад хэрэглэдэг.
7. Гаралтын “банана" үүр
8. Залгуурын үүр
9. Товч: асаах/ унтраах
10. Гал хамгаалагч

D.2. ДИЖИТАЛ ОСЦИЛЛОСКОП

1. НҮҮРНИЙ ТОВЧНУУД

Эдгээр товч нь танд тохиргоог хийх, функц сонгох, хэмжилтийн тохируулга хийх боломжийг олгоно.

1. F1-F4 товчнууд
   Эдгээрийг дарж, дэлгэцийн доор харагдах хэмжих хэмжигдэхүүний цэсийг сольж идэвхжүүлнэ.
2. HOLD/ SAVE товч
3. Осциллоскоп горим:
   
   - Богино хугацаанд дарвал: Долгионы хэлбэрийг дэлгэц дээр зогсооно эсвэл үргэлжлүүлнэ.
   - Удаан дарвал: одоо үзүүлж буй долгионы хэлбэрийн өгөгдлийг хадгална.
4. Мультиметр горим:
   -Богино хугацаанд дарвал: Хэмжилтийн заалтыг зогсооно эсвэл үргэлжлүүлнэ.
5. MODE key
   
   "Осциллоскоп" эсвэл "Мултиметр" горимд шилжих.
6. POWER key.
   Хэмжигчийг асаах эсвэл унтраахын тулд  2 секунд дарна уу.
7. AUTO-RANGE товч. Мужийг автоматаар тохируулна.
8. MENU товч
9. 
   - MENU товчийг дарж, системийн өргөтгөсөн функцийн цэсийг нээ.
   - Өргөтгөсөн цэсийн сонголтуудыг солихын тулд Зүүн/Баруун сумыг ашигла.
   - Харгалзах систем функцийг тохируулахын тулд F1-F4 товчийг ашигла.
   
10. Чиглэл (Дээш, Доош, Зүүн ба Баруун) товч:
    Дэлгэцийн тохиргоог (жишээ нь хүчдэл, хугацааны хуваарь) өөрчлөхийн тулд курсорын байрлалыг хөдөлгөж, цэсэнд тохируулан шилжинэ.

2. ОСЦИЛЛОСКОПООР ХЭМЖИЛТ ХИЙХ ГОРИМ :

Осциллограф горимын үед зөвхөн хүчдэлийг хэмжиж, долгион хэлбэрээр хугацаанаас хамааруулан графикаар харуулдаг. 1 МГц хүртэлх өндөр давтамжтай хүчдэлийн дохиог хэмжиж чадна.

1. Оролт: Мультиметрийн дээд талд байгаа BNC кабель (№2) орох хэсэгт BNC кабелиа холбож цагийн зүүний дагуу эргүүлж чангал.
2. Probe Attenuation Setting: Уг датчик нь бариул дээрээ дохионы хэмжилтэд нөлөөлдөг сулруулагч шилжүүлэгчтэй. Үүнийг X1 эсвэл X10 гэж тохируулж болно.
3. АНХААР: Probe-ийн сулруулах тохиргоо X1 байх ёстой. Шаардлагатай бол осциллографын программ хангамжийн тохиргоогоор тохируулж болно: MENU товчийг дарж өргөтгөсөн цэсийг нээж, F4 товчийг дарж "PROBE"-г X1 болон X10 хооронд шилжүүлнэ.
4. Осциллографын тохиргоо
5. 1. Auto Range: Босоо болон хэвтээ масштабыг автоматаар тохируулах.
   2. Босоо/ Хэвтээ масштаб ба Босоо/ Хэвтээ байрлалын масштабын тохируулга: F1 товчийг дарж VOL/TIME цэсийг идэвхжүүлнэ. Хүчдэлийн хуваарийг тохируулахын тулд Дээш/Доош сумыг ашигла. Хугацааны хуваарийг тохируулахын тулд Зүүн/Баруун сумыг ашигла.
   3. Босоо/Хэвтээ байрлалын тохируулга : F2 товчийг дарж MOVE цэсийг идэвхжүүлнэ. Долгионы хэлбэрийг босоо чиглэлд шилжүүлэхийн тулд Дээш/Доош сумыг ашигла. Долгионы хэлбэрийг хэвтээ чигт шилжүүлэхийн тулд Зүүн/Баруун сумыг ашигла. Trigger курсор нь долгионы хэлбэрийн дагуу хөдөлнө.
   4. Triggering System Trigger Cursor Setting: F3 товчийг дарж TRIGGER цэсийг идэвхжүүлнэ. Дээш, доош сумыг дарж trigger-ийн байрлалыг тохируулна. Триггер горим: Цэсийг дарж гарч ирэх цэсийг өргөтгөж, F2 товчийг дарж trigger горимд орно. Та Auto, Normal, Single гэсэн сонголтуудыг сонгож болно. Trigger Edge: MENU товчийг дарж pop-up цэсийг өргөтгөнө. F3 товчийг дарж trigger Edge горимд шилжинэ. Та rising edge and falling edge trigger горим сонгож болно.
   5. Coupling Setting: AC эсвэл DC горимыг сонгохын тулд F4 товчийг ашиглана. Энэ туршилтын хувьд зөвхөн хувьсах АC гүйдлийн горимыг ашиглана.
   6. Нэмэлт зөвлөмж: Хүчдэлийн дохиог уншихдаа та дохионы долгионы хэлбэр эсвэл "VPP" (peak-to-peak voltage), эсвэл "Vmax" максимум хүчдэл, эсвэл далайцыг авч болно. АНХААР: Заримдаа шуугиан эсвэл хүчдэлийн огцом өсөлт ажиглагдвал "Vmax" заалт нь бодит хүчдэлийн далайцаас өндөр байж болзошгүй. Илүү найдвартай үр дүнд хүрэхийн тулд осциллографын долгионы хэлбэрийн заалтыг ашиглах нь дээр

3. МУЛЬТИМЕТР ГОРИМ :

Мултиметр горимыг хүчдэл, эсэргүүцэл зэрэг параметрийг хэмжихэд ашигладаг. Хувьсах гүйдлийн вольтметрийн горимд энэ нь 4 утгат орон бүхий заалтыг өгдөг боловч давтамж нь зөвхөн 40 Гц-ээс 1 кГц хооронд хязгаарлагддаг.

1. Оролт: Банана залгуурыг нүүрэн талын банана оролтын шонд холбоно.
2. Хүчдэл хэмжих:
3. 
   - Хүчдэлийг хэмжихийн тулд F1 товч дарна
   - AC ба DC хүчдэлийн мужийг солихын тулд F1 товчийг дахин дарна. (бид энэ туршилтад зөвхөн хувьсах хүчдэлийн горимыг ашиглана).
   - АНХААР: Мултиметрийн горимд AC хүчдэлийн хэмжилтийн хувьд давтамжийн муж нь зөвхөн 40 Гц-ээс 1 кГц-ийн хооронд хязгаарлагдана. Хэрэв та 1 кГц-ээс их давтамжтай AC хүчдэлийг хэмжихийг хүсвэл "Осциллограф" горимыг ашиглана уу.
   
4. Эсэргүүцлийг хэмжих

5. Эсэргүүцлийг хэмжихийн тулд F2 товч дар. Хэрэв та F2 товчийг дахин дарвал энэ нь дараах горимуудад шилжих болно: resistance, continuity, diode, and capacitance. Та " resistance" горимыг сонгосон эсэхээ шалгаарай.

4. НЭМЭЛТ ФУНКЦ

1. Автомат унтрах (“Автоматаар унтрах”)
2. 
   - MENU товчийг дарвал системийн өргөтгөсөн цэс нээгдэнэ.
   - Автомат унтрах цагийн тохиргоог сонгохыг хүсвэл F2 дарна.
   - Төхөөрөмж идэвхгүй байх үед батарейн цэнэгийг хэмнэхийн тулд үүнийг 15 минут болгохыг зөвлөж байна.
   
3. Дэвсгэр гэрлийн тод байдал ("BK Light")
4. 
   - MENU товчийг дарж системийн өргөтгөсөн цэсийг нээнэ.
   - F3 товчийг дарж дэвсгэр гэрлийн тод байдлыг тохируулна.
   

5. ДИЖИТАЛ ОСЦИЛЛОСКОПЫГ ЦЭНЭГЛЭХ

Төхөөрөмжийг ашиглахад үргэлж бэлэн байлгахын тулд батарейн цэнэгийн түвшинг хянаж байгаарай.

1. Дэлгэцийн баруун дээд буланд батарейн заалт бий.
2. Гар осциллографыг C- USB кабель ба адаптер ашиглан цэнэглээрэй.
3. Цэнэглэж байх үед осциллографыг ашиглахгүй байх. Энэ нь хэмжилтийн утганд нөлөөлж буруу зааж болзошгүй.
4. Батерейны цэнэгийг хадгалахын тулд бид мултиметрийг ашиглаагүй үедээ цэнэглэх, мөн автомат унтрах функцийг ашиглахыг зөвлөж байна.